Riwaya za Fadhy Mtanga

KIZUNGUMKUTI

HAFSA Hashimu alikuwa na kila kitu chenye kumfanya ayafurahie maisha. Elimu nzuri. Kazi nzuri. Mume aliyempenda kwa dhati ya moyo wake. Alikuwa mwenye furaha ya ndoa yake.

Aliamini hakuna kitu kitakachoharibu furaha ya ndoa yao zaidi ya maradhi na kifo.

Aliamini hivyo, hadi jinamizi la Benito, rafiki yake wa kiume wakiwa shule ya sekondari lilipojitokeza na kumweka katika wakati mgumu zaidi.

Riwaya hii ilitolewa katika kitabu mwaka 2012

HUBA

NI simulizi ya aina yake.  Imejaa visa vinayosisimua.  Inaakisi mapenzi ya kweli.  Mapenzi yasiyochuja hata katika nyakati ngumu.

Kwenye HUBA, kuna wahusika watakaozivuta hisia zako.  Watakaokushirikisha furaha na huzuni zao, katika kizungumkuti cha HUBA.

Kuna ZEDI kijana maridadi.  Anayevunja sheria za barabarani kwa kwenda mwendo mkali.  Anaposimamishwa na askari wa kike,  ZEDI anashindwa kuzizuia hisia zake.  Anazama katika HUBA.

Kuna JULY, msichana mrembo mno, mwenye staha za kutosha.  JULY mwenye mapenzi ya kweli kwa ZEDI.  Lakini ZEDI, hana muda naye kwa kuwa akili yake ipo kwa ROSE.

Kuna ROSE anayezama ghafla katika HUBA la ZEDI.  Je, atafanikiwa kuyapiku mapenzi ya kweli ya JULY?

Kuna JERRY na SHANIA, marafiki wa kweli daima.

Hii ndiyo HUBA, ukiufungua ukurasa wa kwanza, hakika hutokiweka chini, hadi ukurasa wa mwisho.

Kitabu cha HUBA kimetolewa mwezi Mei 2014.  




FUNGATE

“NOELLA, unanipa mtihani mgumu mno maishani mwangu.” Tony alimwambia Noella. 

Noella alimtazama Tony huku machozi yakimtiririka mithili ya bomba la maji.  Hakuwa tayari kukubaliana na ukweli kuwa  Tony, sasa si sehemu ya maisha yake tena.

Noella yupo hotelini kwenye fungate.  Ni saa chache tu baada ya harusi yao.  Yeye na mumewe, Justine, wamemaliza kupata amshakinywa ndani ya mgawaha uliomo hotelini humo.

Mara, Noella anamwona Tony.  Mpenzi wake wa zamani. Tony, ndiye mwanaume aliyewahi kumpenda kupindukia. Leo, tena akiwa kwenye fungate, anamwona.

Hii ni baada ya kutomwona kwa zaidi ya miaka minne.  Tena, akiamini Tony alikwishafariki.  

Je, kiapo alichokitoa madhabahuni, kuwa kifo pekee ndicho kitakachomtenganisha na Justine, kitazishinda hisia zake juu ya Tony?

Kitabu cha Fungate kimetolewa mwezi Mei 2017.





Unaweza kuviagiza vitabu hivi moja kwa moja kwa kupitia mawasiliano yafuatayo:

Simu ya Mkononi/Whatsapp: +255 754 599 646

Facebook: Fadhy Mtanga

Twitter: @FadhyMtanga

Instagram: fadhy.mtanga

Barua-pepe: fadhy@fadhymtanga.net

Pia, kwa kuendelea kufaidi simulizi za Fadhy Mtanga, jiunge na ukurasa wake wa Facebook kwa anwani ya http://facebook.com/fadhymtangapage