Friday, August 15, 2014

Nayapenda maisha

Nayapenda maisha,
Kwa furaha yanipayo,
Kwa huzuni yanileteayo.

Nayapenda maisha,
Kwa mapenzi niyapatayo,
Kwa chuki zinipitiazo.

Nayapenda maisha,
Kwa mafanikio nipatayo,
Kwa changamoto nizipatazo.

Nayapenda maisha,
Kwa jitihada nilizonazo,
Kwa uvivu niupatao.

Nayapenda maisha,
Kwa ndugu wema nilionao,
Kwa ndugu wanichukiao.

Nayapenda maisha,
Kwa marafiki wema niwapatao,
Kwa wanafiki watokeao,

Nayapenda maisha,
Kwa afya njema niliyonayo,
Kwa maradhi yanipitiayo.

Nayapenda maisha,
Kwa akili nilizonazo,
Kwa umbumbumbu nilionao.

Nayapenda maisha,
Kwa imani na dini niliyonayo,
Kwa kutikiswa nikupitiako.

Nayapenda maisha,
Kwa maono na dhamira niliyonayo,
Kwa kukata tamaa nisikokuwa nako.

Nayapenda maisha.

Nayapenda sana.

Fadhy Mtanga,
Kabwe, Mbeya.
Ijumaa, Agosti 15, 2014.

8 comments:

  1. Nayapenda maisha kwani ni mara moja tu mtu huishi...nayapenda maisha...nimependa hizi tungo

    ReplyDelete
  2. Nayapenda maisha...i luv it keep it up.

    ReplyDelete
  3. Nayapenda maishaa
    Yenye mengi yasoisha
    Yasombio yakakwisha
    Nayapenda maishaa

    Nayapenda maishaa
    Tamu chungu zisokwisha
    Ndo furaha ya maisha
    Nayapenda maishaa

    Matamu ukipatia
    Chungu sana ukikosea
    Alokifani hakuna
    Nayapenda yomaisha

    Hakuna alokifani,maisha kuyapatia,
    Wote humu ni wageni,ninjia tu twapitia
    Ni matamu kupitia,nayapenda yomaisha

    ReplyDelete
    Replies
    1. Nayapenda maisha,
      Mengiye hayatoisha,
      Japo hayatotosha.

      Delete