Tuesday, February 24, 2009

Safari njema Yasinta

Kumbe kesho waondoka, rafiki Yasinta,
Waiacha Afrika,
Bara lililotukuka,
Ambalo twajivunia.

Ukasafiri salama, rafiki Yasinta,
U rafiki yetu mwema,
Mola akupe uzima,
Tena kututembelea.

Nyumbani bado nyumbani, rafiki Yasinta,
Uliweke akilini,
Uwapo ughaibuni,
Siache kupaombea.

Mawazoni uwe nasi, rafiki Yasinta,
Tujielewe upesi,
Changamoto zetu sisi,
Kushiriki kwayo nia.

Maisha ni kama vita, rafiki Yasinta,
Tusichoke kutafuta,
Hata jasho tukitota,
Siku tutajishindia.

Yasinta wetu rafiki, rafiki Yasinta,
Muumba akubariki,
Akuondolee dhiki,
Furaha kukujalia.

Na Mungu akujalie, rafiki Yasinta,
Tena ututembelee,
Nasi tukufurahie,
Hakika twakuombea.

Safari njema, rafiki Yasinta.

4 comments:

  1. Asante sana kwa beti hizi nzuri nami nakuambia Mwenyezi Mungu amenilinda na nimesafiri salama. Na sitaache kuitembea Afrika yangu. Mungu akubariki nawe. Asante

    ReplyDelete
  2. Kamwene be! upo wapi wakereketwa wa mashairi tunahamu na mashairi mappya.

    ReplyDelete
  3. Ja! kom tillbacka jag brukar läsa dina dikter. Nu jag sknar det jättemycket.Kram

    ReplyDelete
  4. jo tambien me gusta mucho

    ReplyDelete